Nokkrar staðreyndir fyrir undanúrslitaleikina

Leikið verður til undanúrslita í bikarkeppni HSÍ, Poweradebikarnum, í Laugardalshöll í kvöld. Klukkan 18 eigast við Haukar og Valur en klukkan 20.15 verður flautað til leiks ÍBV og Selfoss.

Hér fyrir neðan er rennt yfir nokkrar staðreyndir um gengi liðanna í undanúrslitum bikarkeppninnar í gegnum tíðina.

• Haukar leika í 17. sinn í úrslitum bikarkeppninnar í handknattleik kvenna. Fyrst komst kvennalið Hauka í undanúrslit árið 1977, ári eftir að keppnin var sett á laggirnar. Haukar mættu Ármanni í undanúrslitum og töpuðu 20:12.
  
• Haukar hafa átta sinnum unnið undanúrslitaleik í bikarkeppninni í kvennaflokki, fyrst árið 1997. Haukar unnu þá Stjörnuna örugglega, 22:16. Síðast náðu Haukar í úrslitaleikinn árið 2018 með sigri á KA/Þór í undanúrslitum, 23:21.
  
• Kvennalið á vegum Vals leikur að þessu sinni í 28. sinn í undanúrslitum bikarkeppninnar. Eins og Haukar þá náði Valur fyrst allan leikð í undanúrslit árið 1977 en féll úr leik með tapi fyrir KR, 13:12.
  
• Valur hefur fjórtán sinnum unnið undanúslitaleik, síðast fyrir ári. Valur vann þá ÍBV, 28:20.

Úrslit í leikjum Haukar og Vals í Olísdeildinni á leiktíðinni:
16. september: Valur - Haukar 37:22.
26. nóvember: Haukar - Valur 26:34.
3. febrúar: Valur - Haukar 27:26.

• ÍBV er leikur að þessu sinni í 21. sinn í undanúrslitum bikarkeppninnar í kvennaflokki. Af 20 leikjum fram til þessa hefur ÍBV haft betur í sjö skipti. Fyrst komst ÍBV í undanúrslit árið 1985 en tapaði illa fyrir Val, 34:12.
  

• ÍBV vann undanúrslitaleik í fyrsta sinn árið 1994. Lagði þá Val með fimm marka mun, 30:25, og hefndi að einhverju leyti fyrir tap í undanúrslitaleiknum 1985. ÍBV vann síðast undanúrslitaleik í bikarkeppninni árið 2012, lagði FH, 24:13.

• ÍBV lék síðast til undanúrslita í keppninni fyrir ári en tapað fyrir Val, 28:20.
  
• Selfoss leikur nú í þriðja sinn í undanúrslitum bikarkeppninnar í kvennaflokki. Lið félagsins komst í fyrsta sinn í undanúrslit árið 1990 eftir sigur á Haukum í undanúrslitum, 27:19. Ungt lið Selfoss átti hinsvegar ekki erindi sem erfiði í Stjörnuna í undanúrslitaleiknum, lokatölur 37:20. Meðal leikmanna Selfoss þá voru Hulda Bjarnadóttir og Inga Fríða Tryggvadóttir.
  
• Næst komst Selfoss í undanúrslit bikarkeppninnar í kvennaflokki árið 2017. Aftur tapaði lið félagsins fyrir Stjörnunni. Að þessu sinni var leikurinn jafnari. Stjarnan vann, 27:23, í Laugardalshöll. Hrafnhildur Hanna Þrastardóttir, nú leikmaður ÍBV, skoraði 12 mörk fyrir Selfoss í undanúrslitaleiknum 2017.

Úrslit í leikjum ÍBV og Selfoss í Olísdeildinni á leiktíðinni: 12.nóvember: ÍBV - Selfoss 32:27.
21.janúar: Selfoss - ÍBV 19:40.
Þriðja og síðasta viðureign liðanna í Olísdeildinni fer fram í Vestmannaeyjum 25.mars.

Miðasala á undanúrslitaleikina er hjá smáforritinu Stubbur.