- Auglýsing -
- Auglýsing -
- Auglýsing -

Norðmenn voru Portúgölum engin fyrirstaða

Leikmenn portúgalska landsliðsins fagna eftir sigur á norska landsliðinu í Hamborg í dag. Mynd/EPA
- Auglýsing -

Portúgalska landsliðið hóf keppni í milliriðli á Evrópumótinu í handknattleik í dag með sannfærandi sigri á norska landsliðinu, 37:32, Barcleysa Arena í Hamborg í upphafsleik milliriðils tvö á mótinu. Portúgalska landsliðið er eitt fjögurra landsliða sem eftir eru í keppni um sæti sæti í forkeppni Ólympíuleikanna ásamt Austurríki, Hollandi og Íslandi.

Portúgalska liðið var með yfirhöndina í leiknum frá upphafi til enda. Hraður leikur liðsins olli norska landsliðinu vandræðum. Þremur mörkum munaði á liðunum í hálfleik, 18:15, Portúgal í hag.

Petro Portela var markahæstur hjá portúgalska landsliðinu með átta mörk. Martim Costa var næstur með sjö og bróðir hans Francisco Costa skoraði fjögur mörk.

Alexander Blonz skoraði sjö mörk fyrir norska landsliðið. Kristian Björnsen var næstur með sex mörk. Magnus Gullrud skoraði fjórum sinnum.

Í kvöld mætast Danmörk og Holland annarsvegar og Slóvenía og Evrópumeistarar Svíþjóðar hinsvegar. Danir, Slóvenar og Svíar hefja milliriðilinn með 2 stig hvert.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -