Nýr samningur hjá Agli og Haukum

Egill Jónsson hefur framlengt samning sinn við handknattleiksdeild Hauka til næstu ára. Egill, sem er uppalinn Haukamaður, hefur verið viðloðandi meistaraflokk Hauka undanfarin ár ásamt því að vera lykilmaður í U-liði og 3. flokki félagsins.

Egill mun núna koma meira inn í meistaraflokk en hann verður 19 ára í sumar. Egill er örvhentur og getur leikið bæði sem hornamaður og skytta. Einnig hefur Egill verið viðloðandi yngri landslið Íslands en síðasta sumar var hann hluti af U-19 ára landsliðinu sem hafnaði í öðru sæti á Opna Evrópumótinu í Gautaborg, segir m.a. í tilkynningu Hauka topphandbolta.