- Auglýsing -
- Auglýsing -
- Auglýsing -

Óðinn Þór í úrslit bikarkeppninnar í Sviss

Óðinn Þór Ríkharðsson skoraði níu mörk fyrir Kadetten í gær. Mynd/Hafliði Breiðfjörð
- Auglýsing -

Óðinn Þór Ríkharðsson og leikmenn Kadetten Schaffhausen mæta RTV Basel í úrslitaleik svissnesku bikarkeppninnar 27. apríl. Kadetten vann Wacker Thun, 30:25, í undanúrslitum á heimavelli í gær.

Á sama tíma vann RTV Basel liðsmenn Lakers Stafa, 33:29, í hinni viðureign undanúrslita. Framlengja varð þann leik til að fá hreinar línur.

Óðinn Þór þótti leika vel í gær og var markahæstur liðsmanna Kadetten. Hann skoraði níu mörk í 11 skotum. Eitt markanna skoraði Óðinn frá vítalínunni.

Kadetten vann bikarkeppnina fyrir ári og einnig vorið 2021 undir stjórn Aðalsteins Eyjólfssonar sem lét af störfum á síðasta ári.

Sem stendur er Kadetten með yfirburða stöðu í svissnesku A-deildinni og gæti orðið tvöfaldur meistari annað árið í röð gangi allt að óskum á næstu vikum.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -