Kadetten Schaffhausen leikur til úrslita um meistaratitilinn í handknattleik karla í Sviss við HC Kriens. Bæði lið unnu undanúrslitarimmur sínar í þremur viðureignum, án þess að tapa leika.
Óðinn Þór Ríkharðsson var að vanda markahæstur þegar Kadetten Schaffhausen vann Pfadi Winterthur, 30:23, á heimavelli í dag. Hann skoraði níu mörk í 10 skotum. Sex markanna skoraði Óðinn Þór frá vítalínunni.
Aðalsteinn Eyjólfsson er þjálfari Kadetten Schaffhausen-liðsins sem varð meistari fyrir ári síðan og hefur þar með titil að verja í rimmunni við deildarmeistara HC Kriens.
Andy Schmid lét sér nægja að skorað þrjú mörk í dag í sigurleik HC Kriens á BSV Berm 31:28. Schmid hefur varla stigið út á leikvöllinn á tímabilinu án þess að skora a.m.k. 10 mörk.
Úrslitaeinvígið hefst mánudaginn 29. maí.
