- Auglýsing -

ÓL: „Við erum hundóánægðir“

Alfreð Gíslason, landsliðsþjálfari Þýskalands Alfreð Gíslason, KR, setti markamet 1982, sem stendur enn. Skoraði 21 mark í leik gegn KA í Laugardalshöllinni. Mynd/EPA

„Við erum hundóánægðir. Þessi byrjun á keppninni veldur vonbrigðum ekki síst vegna þess að við verðskulduðum meira en raun ber vitni um,“ sagði Alfreð Gíslason, landsliðsþjálfari Þjóðverja í handknattleik, í samtali við þýska fjölmiða eftir eins marks tap fyrir Spánverjum í upphafsleik beggja þjóða á Ólympíuleikunm í Tókýó í morgun, 28:27, eftir hnífjafna viðureign þar sem Alex Djushebaev skoraði tvö síðustu mörk leiksins fyrir spænska liðið.


„Við lékum mjög góðan leik en því miður þá rak ólánið okkur á lokakaflanum,“ sagði Alfreð ennfremur en þýska liðið á ennþá fjóra leiki eftir í riðlakeppninni. Dæmdur var ruðningur á þýska liðið í tveimur síðustu sóknum þess. Alfreð sagði vafa leika á að allir dómar leiksins á lokakaflanum hafi verið réttir. Hann vildi þó ekki kveða upp úr með það fyrr en hafa skoðað upptökur af lokakaflanum.

Þjóðverjar mæta Argrentínumönnum klukkan tvö, aðra nótt að íslenskum tíma.

- Auglýsing -
- Auglýsing -

Nýjustu fréttir

- Auglýsing -