- Auglýsing -

ÓL: Við ofurefli var að etja

Aron Kristjánsson landsliðsþjálfari Barein. Mynd/EPA

Aron Kristjánsson og leikmenn landsliðs Barein luku keppni á Ólympíuleikunum í nótt þegar þeir töpuðu fyrir Frökkum, 42:28, í átta liða úrslitum handknattleikskeppni leikanna. Barein var annað tveggja landsliða utan Evrópu sem komst svo langt í keppninni í þetta skiptið.


Eins og við mátti e.t.v. búast var hið þrautreynda franska landslið sterkara þegar á hólminn var komið. Bareinar reyndu hvað þeir gátu en þeir áttu við ofurefli að etja. Munurinn var sjö mörk að loknum fyrri hálfleik, 21:14.


Frakkar mæta annað hvort Þýskalandi eða Egyptalandi í undanúrslitum á fimmtudaginn. Þýskaland og Egyptaland mætast í undanúrslitum klukkan 11.45.


Kentin Mahe var markahæstur í franska landsliðinu níu mörk. Dika Mem og Nicolas Tournat skoruðu fimm mörk hvor.


Husain Alsayyad skoraði fimm mörk fyrir Barein og Ali Eid, Merza Ali Ali og Mohamed Mohamed skoruðu fjögur mörk hver.

- Auglýsing -
- Auglýsing -

Nýjustu fréttir

- Auglýsing -