Stjörnunni fataðist flugið í síðasta leik sínum í Olísdeild kvenna á árinu í heimsókn til KA/Þórs í dag og tapaði óvænt með þriggja marka mun, 21:18. Þetta er aðeins annað tap Stjörnunnar í deildinni á leiktíðinni. KA/Þórsliðið var ákveðið frá upphafi að það ætlaði sér ekki í jólaköttinn með Mateu Lonac markvörð í banastuði og Rut Arnfjöð Jónsdóttur með í sóknarleiknum í fyrsta sinn um nokkurt skeið.
Upp að hlið Stjörnunnar
ÍBV er komið upp að hlið Stjörnunnar með 14 stig eftir níu leiki eftir sigur á HK í Eyjum í dag, 31:20. Stjarnan og ÍBV eiga óuppgerða viðureign úr 9. umferð sem slegið var á frest fram yfir áramót vegna þátttöku ÍBV í Evrópukeppni um síðustu helgi. Um einstefnu var að ræða að hálfu ÍBV frá upphafi til enda. Skipti litlu máli þótt Sigurður Bragason leyfði lítt reyndari leikmönnum liðsins að spreyta sig í leiknum.
Skelltu í lás í síðari hálfleik
Haukar sneru við taflinu í síðari hálfleik gegn Selfoss í Sethöllinni á Selfossi í dag. Heimaliðið var með fjögurra marka forskot að loknum fyrri hálfleik, 19:15. Frábær varnarleikur Hauka í síðari hálfleik sló vopnin úr höndum Selfyssinga. Haukar fögnuðu þar með öðrum sigri sínum á Selfossliðinu á leiktíðinni og fara með átta stig í pokahorninu inn í jólaleyfið.
Næstu leikir í Olísdeild kvenna verða laugardaginn 7. janúar.
Selfoss – Haukar 33:36 (19:15).
Mörk Selfoss: Roberta Stropé 12, Katla María Magnúsdóttir 7, Ásdís Þóra Ágústsdóttir 4, Tinna Sigurrós Traustadóttir 3, Elínborg Katla Þorbjörnsdóttir 3, Rakel Guðjónsdóttir 2, Arna Kristín Einarsdóttir 2.
Varin skot: Áslaug Ýr Bragadóttir 11/1, 25,6% – Cornelia Hermansson 2, 33,3%.
Mörk Hauka: Ragnheiður Ragnarsdóttir 8, Elín Klara Þorkelsdóttir 8/4, Ena Car 7, Rakel Oddný Guðmundsdóttir 6, Ragnheiður Sveinsdóttir 2, Berglind Benediktsdóttir 2, Thelma Melsted Björgvinsdóttir 2, Natasja Hammer 1.
Varin skot: Margrét Einarsdóttir 11, 31,4% – Elísa Helga Sigurðardóttir 1, 11,1%.
ÍBV – HK 31:20 (16:7).
Mörk ÍBV: Bríet Ómarsdóttir 6, Harpa Valey Gylfadóttir 6, Birna Berg Haraldsdóttir 4, Sunna Jónsdóttir 4, Ólöf María Stefánsdóttir 4, Hrafnhildur Hanna Þrastardóttir 3, Ásta Björt Júlíusdóttir 1, Sara Dröfn Ríkharðsdóttir 1, Elísa Elíasdóttir 1, Ingibjørg Olsen 1.
Mörk HK: Valgerður Ýr Þorsteinsdóttir 5, Embla Steindórsdóttir 4, Alfa Brá Hagalín 3, Leandra Náttsól Salvamoser 3, Sara Katrín Gunnarsdóttir 3, Katrín Hekla Magnúsdóttir 1, Sóley Ívarsdóttir 1.
KA/Þór – Stjarnan 21:18 (10:9).
Mörk KA/Þórs: Rut Arnfjörð Jónsdóttir 7/3, Unnur Ómarsdóttir 5, Nathalia Soares Baliana 4, Júlía Björnsdóttir 2, Lydía Gunnþórsdóttir 2, Sólveig Lára Kristjánsdóttir 1.
Varin skot: Matea Lonac 14, 43,8%.
Mörk Stjörnunnar: Elísabet Gunnarsdóttir 5/1, Helena Rut Örvarsdóttir 5, Anna Karen Hansdóttir 2, Stefanía Theodórsdóttir 2, Lena Margrét Valdimarsdóttir 2, Britney Emilie Florianne Cots 1, Eva Björk Davíðsdóttir 1.
Varin skot: Darija Zecevic 7, 25%.
Sérstök athygli er vakin á að stöðutöflurnar í Olísdeildum kvenna og karla og í Grill 66-deildunum er loksins virkar á ný eftir bilun sem tók því miður alltof langan tíma að finna lausn á. Með stöðutöflunum er ennfremur að finna skrá yfir næstu leiki í deildunum.
