- Auglýsing -
- Auglýsing -
- Auglýsing -

Olympiakos meistari í annað sinn á þremur árum

Leikmenn, þjálfara og starfsmenn Olympiakos kampakátir eftir að gríski meistaratitilinn var í höfn í dag. Mynd/Olympiakos
- Auglýsing -

Olympiakos, andstæðingur Vals í úrslitum Evrópubikarkeppninnar í síðasta mánuði, varð í dag grískur meistari í handknattleik karla í fjórða sinn, þar af í annað skiptið á þremur árum. Olympiakos lagði AEK Aþenu, meistara síðasta árs, með fjögurra marka mun á heimavelli í oddaleik, 33:29. AEK var marki yfir að loknum fyrri hálfleik, 16:15.

Staðan var jöfn, 25:25, þegar 12 mínútur voru til leiksloka. Þá bitu leikmenn Olympiakos í skjaldarrendur og náðu sex marka forskoti á nokkra mínútna kafla.

Stórskyttan Savvas Savvas var markahæstur hjá Olympiakos í úrslitaleiknum með níu mörk.

Fyrr í vor varð Olympiakos deildarmeistari.

Með leiknum lauk deildarkeppni í evrópskum handknattleik sem er nokkuð á eftir tilmælum sem Handknattleikssamband Evrópu gaf út um að deildarkeppni skyldi hvarvetna vera lokið 2. júní.

Nýjustu fréttir.

Upptaka af oddaleiknum í dag:

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -