- Auglýsing -
Olympiakos, sem tapaði fyrir Val í úrslitum Evrópubikarkeppninnar í lok síðasta mánaðar, steig skref í átt að gríska meistaratitlinum í handknattleik karla í kvöld þegar liðið vann meistara síðasta árs, AEK Aþenu, 24:22, í þriðju viðureign liðanna í úrslitakeppninni um titilinn. Framlengja varð leikinn til knýja fram hrein úrslit þar sem jafnt var, 21:21, eftir 60 mínútna leik.
Olympiakos hefur þar með tvo vinninga en AEK einn. Þrjá vinninga þarf til þess að vinna meistaratitilinn. Næsta viðureign verður á heimavelli AEK fimmtudaginn. Olympiakos hýsir oddaleikinn ef til hans þarf að koma.
Olympiakos varð deildarmeistari í vor og AEK varð í öðru sæti. Liðin hafa lengi eldað grátt silfur á íþróttasviðinu í Aþenu.
- Auglýsing -
