- Auglýsing -

Ómar Ingi leikur til úrslita

Ómar Ingi Magnússon leikmaður SC Magdeburg. Mynd/SC Magdeburg

Ómar Ingi Magnússon leikur á morgun til úrslita í Evrópudeildinni í handknattleik með SC Magdeburg gegn öðru þýsku félagsliði, Füchse Berlin. Ýmir Örn Gíslason og félagar í Rhein-Neckar Löwen mæta Wisla Plock frá Póllandi í leiknum um bronsið eftir þriggja marka tap, 35:32, fyrir Berlínarliðinu í undanúrslitum í dag en úrslitahelgi keppninnar fer fram í Mannheim.

Ómar Ingi og Daninn Michael Damgaard voru markahæstir hjá Magdeburg í sigrinum sæta á Wisla Plock í undanúrslitum í dag. Þeir skoruðu sex mörk hvor. Christian O’Sullivan og Moritz Preuß voru næstir með fjögur mörk hvor í þessum hörkuleik þar sem Magdeburg var tveimur mörkum undir í hálfleik, 15:13. Zoltan Szita og Premyslaw Krajewski skoruðu sjö mörk hvor fyrir pólska liðið.


Ýmir Örn skoraði eitt mark en var þrisvar sinnum vísað af leikvelli í tvær mínútur þegar Löwen tapaði fyrir Füchse Berlin, 35:32. Berlínarliðið skoraði 19 mörk í fyrri hálfleik gegn 16 frá Löwen. Jerry Tollbring skoraði sjö fyrir Löwen og Lukas Nilsson sex. Kim Ekdahl Du Rietz, sem birtist skyndilega í leikmannahópi Löwen í gær, skoraði ekki mark. Lasse Andersson átti stórleik fyrir Füchse Berlin og skoraði 11 mörk. Fabian Wiede og Jacob Holm skoruðu sex mörk hvor.

- Auglýsing -
- Auglýsing -

Nýjustu fréttir

- Auglýsing -