Óskar Bjarni Óskarsson hefur verið ráðinn aðalþjálfari deildarmeistara Vals í handknattleik karla. Hann tekur við af Snorra Steini Guðjónssyni sem í síðustu viku tók við starfi landsliðsþjálfara karla. Snorri Steinn og Óskar Bjarni hafa unnið náið og vel saman undanfarin ár eða frá því að sá síðarnfendi vék sem aðalþjálfari liðsins, þá Íslands- og bikarmeistari, eftir tímabilið vorið 2017.
Óskar Bjarni varð svo aftur hluti af meistaraflokks teyminu þegar hann tók að sér aðstoðarþjálfarastarfið árið 2019. Óskar Bjarni hefur einnig verið verið hluti af þjálfarateymi meistaraflokks kvenna hjá Val á síðustu árum.
Fleiri kostir skoðaðir
„Leit að nýjum þjálfara hefur átt sinn aðdraganda og rýndi handknattleiksdeildin vel í þau nöfn og þá valmöguleika sem komu til greina að hennar mati. Óskar lætur af störfum sem yfirþjálfari Vals en verður nýjum yfirþjálfara, sem tilkynntur verður til leiks síðar, til halds og trausts.
Óskar Bjarni er sannkallað óskabarn félagsins og það eru frábærar fréttir að hann hafi ákveðið að taka slaginn aftur sem aðalþjálfari liðsins,“ segir í tilkynningu handknattleiksdeildar Vals.
Óskar Bjarni varð fyrst Íslandsmeistari sem aðalþjálfari karlaliðs Vals vorið 2007.
