ÍBV vann afar öruggan sigur á Stjörnunni í kvöld í Vestmannaeyjum þegar liðin í öðru og þriðja sæti deildarinnar mættust í 16. umferð Olísdeildar kvenna í handknattleik.
Lokatölur, 30:24, eftir að ÍBV var þremur mörkum yfir í leiknum, 14:11. ÍBV er þar með tveimur stigum á eftir Val í öðru sæti og á auk þess leik til góða á toppliðið. Stjarnan er áfram í þriðja sæti.
ÍBV var með yfirhöndina í leiknum frá upphafi til enda. Í fyrri hálfleik var forskotið frá einu og upp í þrjú mörk en um skeið undir lokin var það orðið að fjórum mörkum. Varnarleikur ÍBV var frábær og Marta Wawrzykowska varði vel í markinu, að vanda.
Snemma í síðari hálfleik skinu yfirburðir ÍBV vel í gegn. Liðið var komið sjö mörkum yfir, 20:13, eftir tíu mínútna leik.
Varnarleikur var mjög góður. Stjarnan virtist ekki eiga nein svör. Smátt og smátt jókst munurinn svo að um miðjan hálfleikinn var forskotið komið í 10 mörk og úrslitin ráðin.
Mörk ÍBV: Birna Berg Haraldsdóttir 6, Harpa Valey Gylfadóttir 5, Sunna Jónsdóttir 5, Ásta Björt Júlíusdóttir 4, Elísa Elíasdóttir 3, Hrafnhildur Hanna Þrastardóttir 3, ngibjørg Olsen 1, Karolina Olszowa 1, Sara Dröfn Ríkharðsdóttir 1, Bríet Ómarsdóttir 1.
Varin skot: Marta Wawrzykowska 12, Bernódía Sif Sigurðardóttir 2.
Mörk Stjörnunnar: Anna Karen Hansdóttir 4, Helena Rut Örvarsdóttir 4, Eva Björk Davíðsdóttir 4, Anna Lára Davíðsdóttir 2, Britney Cots 2, Elísabet Gunnarsdóttir 2, Stefanía Theodórsdóttir 2, Lena Margrét Valdimarsdóttir 2, Hanna Guðrún Hauksdóttir 1, Thelma Sif Sófusdóttir 1.
Varin skot: Darija Zecevic 5, Elín Eyfjörð Ármannsdóttir 2.
Handbolti.is fylgdist með leiknum í textalýsingu hér fyrir neðan.
