- Auglýsing -

Óttast að Haukur hafi meiðst alvarlega

Staðfest er að krossband í hægra hné Hauks Þrastarsonar er slitið. Mynd/EPA

Haukur Þrastarson landsliðsmaður í handknatteik og leikmaður Kielce í Póllandi meiddist í hné undir lok fyrri hálfleiks í viðureign Łomża Industria Kielce og Pick Szeged í Meistaradeild karla sem stendur yfir í Ungverjaland. Óstaðfestar fregnir herma að meiðslin geti verið mjög alvarleg, hugsanlega slitið krossband. Sennilega skýrist það þó ekki fyrr en á morgun, í fyrsta lagi.


Haukur hefur leikið frábærlega með Kielce síðustu vikurnar og fengið stærra hlutverk en áður í leikjum liðsins í Meistaradeildinni. Virtist hann hafa náð fyrri styrk og jafnvel gott betur eftir að hafa slitið krossband í október 2020 í leik Kielce og Elverum.

Hér má sjá viðbrögð Łomża Industria Kielce í færslu á Twitter fyrir nokkrum mínútum. Þjálfari liðsins, Talant Dujshebaev er miður sín.

Séu meiðsli hans alvarleg, eins og óttast er, þarf vart að fjölyrða um hversu mikið áfall það er fyrir feril Hauks.

- Auglýsing -
- Auglýsing -

Nýjustu fréttir

- Auglýsing -