Paulo Pereira hefur valið þá 19 leikmenn sem hann ætlar að hafa með sér á heimsmeistaramótið sem fram fer í næsta mánuði en portúgalska landsliðið verður með því íslenska í D-riðli ásamt landsliðum Ungverjalands og Suður Kóreu. Ísland mætir Portúgal í fyrstu umferð riðlakeppninnar 12. janúar i Kristianstad.
Það verður fjórða viðureign þjóðanna í röð á stórmóti en landslið Íslands og Portúgals mættust á EM 2020, HM 2021, EM 2022. Íslenska landsliði vann tvo leiki en tapaði einum.
Portúgalski hópurinn kemur saman síðdegis á öðrum degi jóla. Alltént þeir sem verða lausir frá félagsliðum sínum. Væntanlega verður þar um að ræða alla nema André Gomes leikmann MT Melsungen í Þýskalandi.
Markerðir:
Gustavo Capdeville, SL Benfica.
Manuel Gaspar, HBC Nantes.
Miguel Espinha Ferreira, Cesson-Rennes.
Aðrir leikmenn:
Diogo Branquinho, FC Porto.
Leonel Fernandes, FC Porto.
André Gomes, MT Melsungen.
Alexandre Cavalcanti, HBC Nantes.
Fábio Magalhaes, FC Porto.
Gabriel Cavalcanti, BM Cisne.
Martim Costa, Sporting.
Alexis Borges, SL Benfica.
Luís Frade, FC Barcelona.
Victor Iturriza, FC Porto.
Diogo Silva, PAUC.
Francisco Costa, Sporting.
Antonio Areia, FC Porto.
Pedro Portela, HBC Nantes.
Miguel Martins, Pick Szeged.
Rui Silva, FC Porto.
Sjá einnig: Ungverski hópurinn fyrir HM.
