Pétur Árni Hauksson hefur gert nýjan samning við handknattleiksdeild Stjörnunnar til ársins 2026. Pétur Árni er 25 ára og fór í gegnum alla yngri flokka hjá Stjörnunni. Um skeið lék hann með HK, ÍR og Gróttu en gekk á ný til liðs við Stjörnuna sumarið 2020 og hefur síðan verið einn af traustari leikmönnum liðsins og verið öflugur í vetur. Pétur Árni hefur skoraði 68 mörk í Olísdeildinnni í vetur í 16 leikjum.
„Það gleður mig mikið að Pétur Árni verði áfram í Garðabænum. Hann er lykilleikmaður í vörn og sókn, mikill keppnismaður með gott viðhorf gagnvart íþróttinni,“ segir Hrannar Guðmundsson, þjálfari Stjörnunnar í tilkynningu.
„Frábærar fréttir fyrir Stjörnuna, til hamingju,“ segir ennfremur í tikynningu handknattleiksdeildar Stjörnunnar sem gengið hefur frá samningum við nokkra leikmenn á síðustu vikum, m.a. Starra Friðriksson og Jón Ásgeir Eyjólfsson.
