- Auglýsing -
Handknattleiksmaðurinn Pétur Júníusson hefur snúið í heimahagana eftir að hafa verið í herbúðum Víkings á síðustu leiktíð í Olísdeildinni. Frá þessu er greint á Facebooksíðu handknattleiksdeildar Aftureldingar í dag.
Pétur lék með Aftureldingu upp yngri flokka og var eftir það árum saman ein af kjölfestum í sterku liði Aftureldingar í Olísdeildinni og var m.a. valinn í landsliðið. Pétur rifaði seglin á miðju keppnistímabili 2018/2019 vegna þrálátra meiðsla. Hann tók fram æfingaskóna á síðasta sumri og æfði með Víkingi og tók þátt í sex leikjum með Fossvogsliðinu í vetur sem leið.
„Það er mikið ánægjuefni að fá Pétur Júníusson aftur til liðs við félagið, sterkur karakter og heimamaður,“ segir m.a. í tilkynningu handknattleiksdeildar Aftureldingar.
- Auglýsing -
