- Auglýsing -
Handknattleikslandslið Suður Kóreu, sem verður með íslenska landsliðinu í riðli á heimsmeistaramótinu sem hefst í næsta mánuði tapaði fyrir Pólverjum í annarri umferð á alþjóðlegu móti í Kraká í Póllandi í kvöld, 31:27. Suður Kóreumenn unnu Brasilíumenn örugglega í fyrstu umferð mótsins í gær, 28:22.
Pólverjar voru sterkari í leiknum frá upphafi til enda á heimavelli í kvöld og voru m.a. með þriggja marka forskot að loknum fyrri hálfleik, 17:14.
Landslið Túnis vann Brasilíu dag, 29:24, og hefur þar með fjögur stig eftir að hafa lagt Pólverja í gær, 32:31. Suður Kóreumenn mæta Túnisbúum í lokaumferðinni á morgun.
- Auglýsing -