- Auglýsing -

Poulsen verður frá keppni í nokkra mánuði

Vilhelm Poulsen t.v. í leik með Fram á síðasta keppnistímabili. Hann leikur nú með Lemvig. Mynd/Eyjólfur Garðarsson

Færeyski landsliðsmaðurinn Vilhelm Poulsen, sem lék með Fram frá 2020 og fram á síðasta sumar, meiddist alvarlega á hné undir lok fyrri hálfleiks í viðureign Lemvig og Aalborg í dönsku úrvalsdeildinni í gær. Óttast er að færeyska skyttan verði lengi frá keppni.


Eftir því sem handbolti.is hefur fregnað þá færðist önnur hnéskelin úr stað hjá Poulsen þegar hann lenti í samstuði við varnarmann Aalborg-liðsins. Var Poulsen fluttur á spítala þar sem hann komst undir læknishendur. Á heimasíðu Lemvig er sagt að Poulsen hafi meiðst alvarlega á hné.


Poulsen hefur gert það gott með Lemvig á keppnistímabilinu og má liðið illa við að missa hann enda er það í fjórða neðsta sæti dönsku úrvalsdeildarinnar og hörð fallbarátta stendur fyrir dyrum.


Markvörðurinn Daníel Freyr Andrésson gekk einnig til liðs við Lemvig í sumar og hefur varið mark liðsins á leiktíðinni.

- Auglýsing -
- Auglýsing -

Nýjustu fréttir

- Auglýsing -