Ásmundur Einar Daðason mennta- og barnamálaráðherra er í hópi hörðustu stuðningsmanna íslensku landsliðanna. Hann hefur ekki látið sig vanta á leikjum íslenska landsliðsins í handknattleik á Evrópumeistaramótinu sem nú stendur yfir í Búdapest. Ásmundur Einar var einnig í hópi stuðningsmanna landsliðsins á EM í Svíþjóð fyrir tveimur árum.
Ásmundur Einar hefur verið á tveimur fyrstu leikjunum, gegn Portúgal og Hollandi. Eftir því sem næst verður komist er ráðherra í Búdapest í einkaerindum ásamt eiginkonu sinni, Sunnu Birnu Helgadóttur. Ráðherra á einnig aðgöngumiða á leikinn gegn Ungverjum í MVM Dome annað kvöld eins og nokkuð hundruð aðrir Íslendingar.
Hafliði Breiðfjörð, ljósmyndari, smellti myndum af ráðherra þar sem hann var í áhorfendastúkunni á sigurleiknum við Hollendinga í gærkvöld, 29:28.
