- Auglýsing -

Reynsluleysi varð okkur að falli

„Yfirhöfuð fannst mér leikurinn lengst af vel leikinn af hálfu FH-liðsins en segja má að við höfum fallið á reynsluleysi eins og í viðureigninni við Stjörnuna í fyrstu umferð. Nokkur atriði og rangar ákvarðanir sem fella okkur. Það skrifast á reynsluleysi og verður til þess að við erum sjálfum okkur verstar,“ sagði Jakob Lárusson, þjálfari kvennaliðs FH við handbolta.is eftir eins marks tap fyrir Haukum í Olísdeild kvenna í Schenkerhöllinni á Ásvöllum í dag, 26:25.


„Leikurinn var lengst af góður og við náðum að halda í við Haukana frá upphafi til enda. Ég sá miklar framfarir frá síðasta leik. Fleiri leikmenn skiluðu framlagi í sókninni og sérstaklega vil ég hrósa Emelíu Ósk Steinarsdóttur, leikstjórnanda, sem er í stóru hlutverki. Hún hefur stáltaugar en hefði kannski mátt bíða aðeins með skotið í lokasókninni þar sem nóg var eftir af leiktímanum. En hún ákvað að láta slag standa og við það stendur. Hún sýndi þor og það er nauðsynlegt þótt hlutirnir gangi ekki alltaf upp,“ sagði Jakob Lárusson, þjálfari FH.

- Auglýsing -
- Auglýsing -

Nýjustu fréttir

- Auglýsing -