Róbert Sigurðarson skoraði eitt mark fyrir Drammen þegar liðið vann Viking TIF, 41:27, í norsku úrvalsdeildinni í handknattleik í gær. Leikurinn fór fram í Drammen. Róbert er fyrst og fremst lykilmaður í vörn Drammen-liðsins en bregður sér stöku sinnum fram yfir miðjum og á það til að skora eins og í gær.
Hinn hálf íslenski Viktor Petersen Norberg skoraði fjögur mörk fyrir Drammen sem komið er upp í þriðja sæti deildarinnar með 29 stig eftir 20 leiki. Sex umferðir eru eftir.
Nicholas Satchwell fyrrverandi markvörður KA og landsliðsmarkvörður Færeyinga var ekki í leikmannahópi Viking TIF í leikum í Drammen í gær.
Dagur átti stórleik
Dagur Gautason skoraði 10 mörk úr 12 skotum, ekkert úr vítakasti, í eins marks tapi ØIF Arendal í heimsókn til Bergen, 37:36, í afar jöfnum leik. Arendal er í fjórða sæti deildarinnar með 28 stig að loknum 20 leikjum, stigi á eftir Drammen sem getið er um að ofan. Kolstad er efst með 37 stig og Elverum hefur 33 í öðru sæti.
Annars er stöðuna í norsku úrvalsdeildinni og í fleiri deildum evrópsks handknattleiks að finna hér.
