- Auglýsing -
- Auglýsing -
- Auglýsing -
- Auglýsing -

Rúnar og Heiðmar skiptu með sér stigunum

Viggó Kristjánsson landsliðsmaður og leikmaður Leipzig. Mynd/Hafliði Breiðfjörð
- Auglýsing -

SC DHfK Leipzig fer heim með eitt stig úr heimsókn sinni í kvöld til Hannover-Burgdorf, 25:25, eftir hörkuleik. Liðsmenn Hannover-Burgdorf jöfnuðu metin þegar hálf mínúta var til leiksloka. Rúnar Sigtryggsson og liðsmenn hans í SC DHfK Leipzig reyndu hvað þeir gátu í lokin til þess að tryggja sér bæði stigin, án árangurs.


Heiðmar Felixson er aðstoðarþjálfari Hannover-Burgdorf sem situr í sjöunda sæti með níu stig að loknum 10. leiknum í kvöld. SC DHfK Leipzig er þremur sætum neðar og stigi á eftir eftir að hafa verið marki yfir að loknum fyrri hálfleik, 15:14.

Viggó Kristjánsson skoraði sjö mörk fyrr Leipzig, þar af þrjú úr vítaköstum. Þar að auki átti hann þrjár stoðsendingar. Andri Már Rúnarsson skoraði tvö mörk fyrir Leipzig en var ekki með góða skotnýtingu.

Marius Steinhauser skoraði sjö mörk fyrir Hannover-Burgdorf. Auk Viggós skoraði Matej Klima sjö mörk fyrir SC DHfK Leipzig.

Oddur markahæstur

Oddur Gretarsson var markahæstur hjá Balingen-Weilstetten með sex mörk, þar af fjögur úr vítaköstum, þegar liðið tapaði á heimavelli fyrir Wetzlar, 30:27. Daníel Þór Ingason skoraði ekki mark fyrir Balingen að þessu sinni. Balingen var þremur mörkum yfir í hálfleik, 13:10.

Balingen situr í neðsta sæti með fimm stig að loknum 10 leikjum. Lemgo hefur einnig fimm stig en á leik til góða. Wetzlar lyfti sér upp úr botnsætinu með sigrinum í Balingen.

Stöðuna í þýsku 1. deildinni og fleiri deildum Evrópu er að finna hér.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -