- Auglýsing -

Rúnar varð í öðru sæti

Rúnar Sigtryggsson t.h. ásamt Rüdiger Jurke framkvæmdastjóra EHV Aue. Mynd/EHV Aue

Rúnar Sigtryggsson hafnaði í öðru sæti í kjöri á þjálfara ársins í þýsku 2. deildinni í handknattleik en kjörgengir voru þjálfarar deildarinnar og forsvarsmenn félaganna sem eiga lið í deildinni. Torsten Jansen þjálfari HSV Hamburg varð efstur í kjörinu og hlaut nokkuð örugga kosningu enda hefur hans lið tryggt sér sæt í efstu deild á næstu leiktíð.


Athyglisvert er að Rúnar hafnaði í öðru sæti en hann þjálfaði lið EHV Aue aðeins í sex mánuði vegna forfalla þjálfara liðsins sem veiktist alvarlega af kórónuveirunni. Rúnar kom til Aue í byrjun desember og stóð vaktina til loka maí. Hann skilaði hinsvegar af sér afar góðu búi við afar erfiðar aðstæður. Aue er í fimmta sæti deildarinnar sem er einn allra besti árangur liðsins um langt árabil.

Emir Kurtagic, þjálfari N-Lübbecke, varð í þriðja sæti en lið hans er í öðru sæti deildarinnar fyrir lokaumferðina sem fram fer á morgun. N-Lübbecke er stigi á undan Gummersbach sem Guðjón Valur Sigurðsson þjálfari og Elliði Snær Viðarsson leikur með.

Íslendingur hefur einu sinni verið kjörinn þjálfari ársins í þýsku 2. deildinni. Aðalsteinn Eyjólfsson þáverandi þjálfari Hüttenberg, hreppti hnossið 2017 eftir ævintýralegan árangur liðsins keppnistímabilið 2016/17.

- Auglýsing -
- Auglýsing -

Nýjustu fréttir

- Auglýsing -