- Auglýsing -

Sandra sú besta hjá EH Aalborg

Sandra Erlingsdóttir með viðurkenningar sínar fyrir að vera valin leikmaður ársins hjá EH Aalborg. Mynd/Aðsend

Sandra Erlingsdóttir var valin leikmaður ársins hjá danska liðinu EH Aalborg sem hún hefur leikið með síðasta árið. Tilkynnt var um valið á lokahófi félagsins í gærkvöld.


„Þetta er alveg æðislegt og gaman að enda fyrsta tímabilið í Danmörku með þessum hætti,“ sagði Sandra við handbolta.is í gærkvöld.

Sandra gekk til liðs við EH Aalborg á síðasta sumri en liðið lék í B-deildinni (1.deild) á keppnistímabilinu og var í toppbaráttu frá fyrsta leik til þess síðasta. EH Alaborg komst í umspil um sæti í úrvalsdeildinni en tapaði naumlega í undanúrslitum í oddaleik. Tímabilinu lauk hjá EH Aalborg í fyrrakvöld með sigri á AGF á útivelli í bikarkeppnni, 20:15. Með sigrinum öðlaðist liðið sæti í 16-liða úrslitum keppninnar sem verður framhaldið í september.


Sandra, sem er frá Vestmannaeyjum og dóttir Erlings Richardssonar og Vigdísar Sigurðardóttur, var driffjöður EH Aalborg í sókninni og lék einnig stórt hlutverk sem bakvörður í vörninni. Hún á eitt ár eftir af samningi sínum við liðið en stefna þess er að fara alla leið upp í úrvalsdeild á næsta keppnistímabili.

Sandra Erlingsdóttir t.h. ásamt liðsfélögum sínum í EH Aalborg, Märta Hedenquist sem valin var liðsfélagi ársins og skyttunni Frida Høgaard sem valin var efnilegasti leikmaður liðsins. Mynd/Aðsend

- Auglýsing -
- Auglýsing -

Nýjustu fréttir

- Auglýsing -