Færeyski landsliðsmarkvörðurinn Nicholas Satchwell hefur kvatt herbúðir KA og samið við norska úrvalsdeildarliðið Viking TIF. Frá þessu er sagt á vefsíðu færeyska blaðsins Sosialurinn. Viking TIF, sem er með bækistöðvar í Bergen, vann sér fyrir skemmstu sæti í norsku úrvalsdeildinni á nýjan leik.
Þjálfari Viking TIF er Daninn Sonni Larsen sem um árabil þjálfaði í Færeyjum, bæði félagslið og landslið kvenna. Satchwell hefur samið við Viking TIF til tveggja ára.
Satchwell kom til KA sumarið 2020. Síðan hefur hann verið einn af betri markvörðum Olísdeildinnar og var m.a. með hæst hlutfall varinna skoti í deildinni í vetur samkvæmt samantekt HBStatz.
Satchwell er annar tveggja markvarða færeyska landsliðsins sem vann það afrek á dögunum að tryggja sér þátttökurétt í lokakeppni Evrópumótsins í handknattleik sem fram fer í Þýskalandi í janúar.
