- Auglýsing -
Sebastian Popovic Alexandersson aðalþjálfari meistaraflokks karla og Guðfinnur Kristmannsson aðstoðarþjálfari og þjálfari ungmennaliðs HK hafa komist að samkomulagi við handknattleiksdeild HK um að framlengja ekki samstarfssamning sem rennur út eftir að yfirstandandi tímabili lýkur.
Þetta kemur fram í tilkynningu frá handknattleiksdeild HK. Ekki segir þar frá hver eða hverjir taki við þjálfun HK-liðsins.
Sebastian og Guðfinnur tóku við þjálfun HK-liðanna árið 2021 eftir að hafa skrifað undir þriggja ára samning sem rennur sitt skeið við lok leiktíðar.
HK er sem stendur í 10. sæti Olísdeildar.
„HK þakkar Sebastian og Guðfinni ómetanlegt framlag til félagsins og óskar þeim velfarnaðar,“ segir í tilkynningu handknattleikdeildar HK.
- Auglýsing -
