- Auglýsing -
Handknattleiksdeild Selfoss fær viðspyrnustyrk frá sveitarfélaginu Árborg vegna fjárhagsstöðu deildarinnar í kórónuveirufaraldrinum. Getur styrkur verið á bilinu fimm til átta milljónir eftir því sem greint er frá á sunnlenska.is.
Sveitarfélagið Árborg ætlar kaupa 285 miða á alla heimaleiki Selfoss í Olísdeild karla og Grill66- deild kvenna eftir áramót vegna þess að áhorfendur mega ekki koma á leiki vegna gildandi sóttvarnarreglna. Þar af leiðandi verður handknattleiksdeild Selfoss af miklum tekjum, jafnt af miðasölu sem og af veitingasölu.
Standi áhorfendabannið næstu vikur og jafnvel út deildarkeppnina í Olísdeild karla og í Grill66-deild kvenna gætu útgjöld sveitarfélagsins orðið allt að átta milljónir vegna þessa.
- Auglýsing -
