Selfoss færðist upp að hlið Þórs í efsta sæti Grill 66-deildar karla í handknattleik í gærkvöldi eftir að Selfoss vann Valur2, 35:31, að viðstöddum um 200 áhorfendum í Sethöllinni á Selfoss. Heimamenn voru þremur mörkum yfir að loknum fyrri hálfleik, 18:15.
Selfoss-liðið, sem féll úr Olísdeildinni í vor, hefur þar með unnið sér inn 10 stig í sjö viðureignum í Grill 66-deildinni. Þórsarar eiga leik til góða en viðureign Þórs og HBH var frestað fyrir helgina vegna veðurs.
Valsarar eru í sjötta sæti Grill 66-deildar með sex stig þegar sex viðureignir eru að baki.
Eftir lengst af jafnan fyrri hálfleik í Sethöllinni í gærkvöldi réðu leikmenn Selfoss lögum og lofum í síðari hálfleik. Þeir voru hvað eftir annað með fimm til sex mark forskot. Valsliðið skoraði tvö síðustu mörkin og þar við sat, 35:31.
Staðan og næstu leikir í Grill 66-deildum.
Mörk Selfoss: Tryggvi Sigurberg Traustason 7, Jason Dagur Þórisson 6, Hannes Höskuldsson 5, Patrekur Þór Öfjörð 4, Sölvi Svavarsson 3, Jónas Karl Gunnlaugsson 2, Guðjón Baldur Ómarsson 2, Anton Breki Hjaltason 2, Elvar Elí Hallgrímsson 1, Skarphéðinn Steinn Sveinsson 1, Alvaro Mallols Fernandez 1, Valdimar Örn Ingvarsson 1.
Varin skot: Alexander Hrafnkelsson 15, Jón Þórarinn Þorsteinsson 7.
Mörk Vals2: Dagur Leó Fannarsson 7, Atli Hrafn Bernburg 6, Daníel Montoro 4, Bjarki Snorrason 3, Daníel Örn Guðmundsson 3, Þorvaldur Örn Þorvaldsson 3, Hlynur Freyr Geirmundsson 2, Knútur Gauti Kruger 2, Loftur Ásmundsson 1.
Varin skot: Hilmar Már Ingason 4, Jens Sigurðarson 3.
