- Auglýsing -
- Auglýsing -
- Auglýsing -

Selfoss krækir í liðsauka fyrir átökin framundan

Ásgeir Snær Vignisso er nýr liðsmaður handknattleiksliðs Selfoss. Mynd/Aðsend
- Auglýsing -

Selfoss hefur orðið sér út um liðsstyrk fyrir átökin í Olísdeild karla þegar keppni hefst á nýjan leik upp úr næstu mánaðamótum. Örvhenta skyttan Ásgeir Snær Vignisson hefur skrifað undir samning við Selfoss og mun leika með liðinu út yfirstandandi keppnistímabil. Hann fyllir þar með í skarð sem erfitt hefur reynst að manna á leiktíðinni.

Ásgeir Snær kemur til Selfoss frá norska úrvalsdeildarliðinu Fjellhamer IL þar sem hann hefur leikið frá síðastliðnu sumri. Tímabilið á undan lék hann með OV Helsingborg í sænsku úrvalsdeildinni. Þar áður hafði Ásgeir Snær leikið með ÍBV í tvö tímabil ásamt uppeldisfélaginu, Val.

Ásgeir Snær er 24 ára og leikur sem hægri skytta og getur einnig leikið í hægra horni.

Fyrsti leikur Ásgeirs Snæs með Selfossi í Olísdeildinni verður við Val á heimavelli Vals 1. febrúar.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -