Kvennalið Selfoss í handknattleik tók í kvöld á móti verðlaunum sínum fyrir sigur í Grill 66-deild kvenna. Þótt liðið eigi enn eftir tvo leiki eru yfirburðir liðsins slíkir að ljóst var eftir sigur á ungmennaliði Vals um síðustu helgi að sæti í Olísdeild á næstu leiktíð væri í höfn.
Selfoss hélt upp á endurheimt sæti í Olísdeildinnni á næstu leiktíð með stórsigri á FH, 36:20, í Sethöllinni á Selfossi. Eins og nærri má geta var glatt á hjalla í leikslok þegar Perla Ruth Albertsdóttir tók við sigurlaununum sem forvígismenn HSÍ voru mættir með. Áhorfendur fjölmenntu í Sethöllina og fögnuðu með leikmönnum og þjálfurum
Eins og í fleiri leikjum Selfossliðsins í deildinni í vetur var um einstefnu að ræða gegn FH í kvöld eins og úrslitin gefa til kynna. Að loknum fyrri hálfleik var staðan 18:10. FH er í fjórða sæti Grill 66-deildar með 18 stig.
Staðan og næstu leikir í Grill 66-deild kvenna.
Mörk Selfoss: Perla Ruth Albertsdóttir 9, Harpa Valey Gylfadóttir 7, Tinna Sigurrós Traustadóttir 6, Arna Kristín Einarsdóttir 5, Hulda Hrönn Bragadóttir 3, Elínborg Katla Þorbjörnsdóttir 2, Katla María Magnúsdóttir 2, Adela Eyrún Jóhannsdóttir 1, Eva Lind Tyrfingsdóttir 1.
Varin skot: Ágústa Tanja Jóhannsdóttir 9, Cornelia Hermansson 5.
Mörk FH: Emilía Ósk Steinarsdóttir 7, Ena Car 4, Gyða Kristín Ásgeirsdóttir 3, Karen Hrund Logadóttir 3, Birna Íris Helgadóttir 1, Thelma Dögg Einarsdóttir 1, Telma Medos 1,
Varin skot: Sigurdís Sjöfn Freysdóttir 8, Bára Björg Ólafsdóttir 3.
