Lið Selfoss gerði sér lítið fyrir og vann KA/Þór, 26:21, í Olísdeild kvenna í handknattleik í KA-heimilinu í dag. Með sigrinum er ljóst að nýliðarnir geta ekki fallið beint úr deildinni í vor. Selfoss er sex stigum fyrir ofan HK þegar þrjár umferðir eru eftir auk þess að standa betur að vígi í innbyrðis leikjum. HK er þar með fallið í Grill 66-deildina.
KA/Þór var marki yfir að loknum fyrri hálfleik, 12:11.
Selfossliðið var mun sterkara í síðari hálfleik og munaði ekki síst um stórleik Cornelia Hermansson í markinu. Reyndar varði Matea Lonac einnig afar vel í marki KA/Þórs.
Selfossliðið skoraði þrjú síðustu mörk leiksins.
Ida Margrethe Hoberg mætti til leiks á ný eftir að hafa nefbrotnaði í kappleik fyrir skemmstu. Hún fékk beint rautt spjald níu mínútum fyrir leikslok.
Nokkur afföll eru í leikmannhópum beggja liða og fyrir vikið fengu ungir leikmenn að láta ljós sitt skína. Talsvert var um mistök á báða bóga, ekki síst hjá liði KA/Þórs.
Mörk KA/Þórs: Rut Jónsdóttir 5/2, Júlía Björnsdóttir 4, Nathalia Soares Baliana 4, Ida Margrethe Hoberg 3, Lydía Gunnþórsdóttir 2, Kristín A. Jóhannsdóttir 1, Anna Mary Jónsdóttir 1, Aþena Einvarðsdóttir 1.
Varin skot: Matea Lonac 18/1, 40,9%.
Mörk Selfoss: Arna Kristín Einarsdóttir 7/1, Rakel Guðjónsdóttir 5, Elínborg Katla Þorbjörnsdóttir 3, Tinna Soffía Traustadóttir 3, Katla María Magnúsdóttir 3, Hulda Hrönn Bragadóttir 2, Katla Björg Ómarsdóttir 2, Kristín Una Hólmarsdóttir 1.
Varin skot: Cornelia Hermansson 19, 47,5%.
Staðan í Olísdeildunum og næstu leikir.
