- Auglýsing -
Bjarni Ófeigur Valdimarsson var allt í öllu hjá IFK Skövde þegar liðið vann þunnskipað lið Redbergslid, 25:24, í Gautaborg í sænsku úrvalsdeildinni í handknattleik í dag. Þetta var þriðji sigur Skövde í sex leikjum í deildinni í haust.
Bjarni Ófeigur skoraði sex mörk í níu tilraunum. Hann átti einnig þrjár stoðsendingar. Bjarni slapp alveg við brottrekstur af leikvelli þrátt fyrir að hafa látið til sína taka á þeim hluta vallarins.
Með sigrinum lyftist Skövde upp í fimmta sæti deildarinnar með sex stig. Óvíst er þó að liðið haldi sætinu þegar dagur verður að kveldi kominn þar sem fleiri leikir standa yfir.
- Auglýsing -
