Tinna Valgerður Gísladóttir skoraði átta mörk þegar efsta lið Olísdeildar kvenna, Fram, vann stórsigur á neðsta liðinu, Aftureldingu, 38:22, Framhúsinu í kvöld. Fram var tíu mörkum yfir að loknum fyrri hálfleik, 18:8. Í raun má segja að um einstefnu hafi verið að ræða frá upphafi til enda leiksins.
Emma Olsson var næst markahæst í liði Fram með sjö mörk. Hrafnhildur Hólm Guðnadóttir var markahæst hjá Aftureldingu með átta mörk.
Framarar eru langefstir í deildinni með 21 stig að loknum 12 leikjum. Fram hefur fimm stiga forskot á Val sem er í öðru sæti. Afturelding er í neðsta sæti án stiga þegar liðið hefur lagt 10 leiki að baki.
Tveimur leikjum sem fram áttu að fara var frestað, viðureignum Stjörnunnar og HK og ÍBV og KA/Þórs. Vonir standa til þess að hægt verði að leika þrjá leiki í deildinni á laugardaginn.
Mörk Fram: Tinna Valgerður Gíslasdóttir 8/1, Emma Olsson 7, Karen Knútsdóttir 5, Stella Sigurðardóttir 5, Harpa María Friðgeirsdóttir 5, Erna Guðlaug Gunnarsdóttir 2, Perla María Albertsdóttir 3, Kristrún Steinþórsdóttir 2.
Varin skot: Hafdís Renötudóttir 22/2, 50%.
Mörk Aftureldingar: Hrafnhildur Hólm Guðnadóttir 6/2, Karen Helga Davíðsdóttir 4, Sylvía Björt Blöndal 4, Susan Ines Gamboa 3/2, Jónína Hlín Hansdóttir 2, Lovísa Líf Helenudóttir 2, Telma Rut Frímannsdóttir 1.
Varin skot: Tanja Glóey Þrastardóttir 7, 20,6 % – Eva Dís Sigurðardóttir 0.
Öll tölfræði leiksins er hjá HBStatz.
Stöðuna og vonandi næstu leiki er að finna hér.
