- Auglýsing -
Aðalsteinn Eyjólfsson og lærisveinar hans í Kadetten Schaffhausen tróna áfram á toppi efstu deildar í Sviss eftir stóran sigur á RTV Basel, 35:19, á heimavelli í gærkvöldi. Kadetten var með tögl og hagldir í leiknum frá upphafi til enda og hafði átta marka forskot í hálfleik, 16:8.
Helstu keppinautar Kadetten, HC Kriens og Pfadi Witerthur unnu einnig leiki sína í gær. Kriens vann Bern, 36:24, og Pfadi lagið Zürich, 26:20.
Eins og áður sagði þá er Kadetten efst í deildinni. Liðið hefur 18 stig eftir 11 leiki. Kriens er stigi á eftir. Suhr Aarau er með 15 stig og Pfadi Winterthur 14 stig en hefur leikið tveimur leikjum færra en liðin fyrir ofan. St Gallen er einnig með 14 stig en hefur lokið 11 leikjum.
- Auglýsing -
