- Auglýsing -
- Auglýsing -
- Auglýsing -
- Auglýsing -

Sigur hjá Donna en tap hjá Grétari Ara

Kristján Örn Kristjánsson, Donni, flytur e.t.v. til Jótlands í sumar. Mynd/Hafliði Breiðfjörð
- Auglýsing -

Kristján Örn Kristjánsson, landsliðsmaður í handnattleik, er kominn á fulla ferð með franska liðinu PAUC og lét sannarlega hendur standa fram úr ermum í kvöld þegar PAUC lagði Cesson- Rennes, 29:24, á heimavelli í 27. umferð frönsku 1. deildarinnar í handknattleik.

Donni skoraði fimm mörk í leiknum úr átta skotum og var næst markahæsti leikmaður liðsins. Einnig lét Donni til sín taka í vörninni og var einu sinni vikið af leikvelli í tvær mínútur.

PAUC hefur aðeins lagað stöðu sína í deildinni frá því sem var. Liðið er komið upp í áttunda sæti með 24 stig, heilming þess stigafjölda sem efsta liðið, Montpellier, hefur safnað saman.

Grétar Ari stóð vaktina

Grétar Ari Guðjónsson stóð nær allan leikinn í marki Sélestat þegar liðið tapaði á heimavelli fyrir Saint-Raphaël í þriggja marka tapi, 33:30. Grétar Ari varði átta skot, 26%. Staðan var jöfn að loknum fyrri hálfleik, 15:15.

Víst er að staða Sélestat skánaði ekki með þessu tapi. Liðið er neðst sextán liða með 10 stig þegar þrír leikir eru eftir. Istres hefur 12 stig. Ivry og Chartres hafa 14 stig. Tvö neðstu liðin falla úr deildinni í lok keppnistímabilsins.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -