- Auglýsing -

Sigur var aðalmarkmiðið

Birgir Steinn Jónsson, stórskytta Gróttu, sækir að vörn Þórsarar. Mynd/Eyjólfur Garðarsson

„Það var okkar markmið númer eitt, tvö og þrjú að innsigla áframhaldandi sæti í Olísdeildinni. Markmiðið náðist og það er hrikalega sætt,“ sagði Birgir Steinn Jónsson leikmaður Gróttu og markahæsti maður liðsins á keppnistímabilinu þegar handbolti.is hitti hann í sigurgleðinni eftir að Grótta vann Þór, 27:21, í 20. umferð Olísdeildarinnar í Hertzhöllinni í gærkvöld og tryggði sér áframhaldandi veru í Olísdeildinni á næstu leiktíð. Grótta kom upp úr Grill 66-deildinni fyrir ári. Um leið féll Þór úr deildinni en liðið kom einnig upp úr Grill 66-deildinni á síðasta ári.

„Þórsliðið er hörkuflott og er með góða stráka. Þeim tókst að standa í okkur í 45 til 50 mínútur í dag. Eftir það náðum við að slíta þá frá okkur,“ sagði Birgir Steinn en fimm marka kafli Gróttu eftir miðjan fyrri hállfeik þar sem liðið breytti stöðunni úr 17:17 í 22:17, gerði gæfumuninn þegar upp var staðið.


„Um leið og við náðum að binda saman varnarleikinn þá fór Stefán að verja allt hvað af tók eins og hann hefur reyndar gert allt keppnistímabilið. Nú förum við pressulitlir í tvo síðustu leikina og ætlum okkur að ná í fjögur stig,“ sagði Birgir Steinn Jónsson leikmaður Gróttu sem skorað hefur 108 mörk á leiktíðinni og verið burðarás í sóknarleik liðsins.

- Auglýsing -
- Auglýsing -

Nýjustu fréttir

- Auglýsing -