- Auglýsing -
Markvörðurinn Sigurður Dan Óskarsson hefur framlengt samning sinn við Stjörnuna. Ekki kemur fram í tilkynningu Stjörnunnar til hvers langs tíma nýi samningurinn er en reikna má með að hann nái alltént til næsta árs.
Sigurður Dan kom til Stjörnunnar fyrir tveimur árum frá FH og hefur síðan verið einn þriggja markvarða liðsins. Hann tók þátt í 17 leikjum og var með 26,7% markvörslu í Olísdeildinni á leiktíðinni samkvæmt tölfræðiveitunni HBStatz.
„Við erum gífurlega stolt af því að halda Sigga áfram innan okkar raða og er hann mikilvægur hlekkur af okkar liði,“ segir m.a. í tilkynningu handknattleiksdeildar Stjörnunnar af þessu tilefni.
- Auglýsing -
