Sigurgangan er á enda

Eftir sex sigurleiki í röð eftir að Rúnar Sigtryggsson tók við þjálfun Leipzig mátti hann og liðsmenn bíta í það súra epli að tapa á heimavelli í kvöld þegar Arnór Þór Gunnarsson og félagar í Bergischer HC komu í heimsókn. Lokatölur, 32:27, fyrir Bergischer.

Viggó Kristjánsson skoraði fjögur mörk og átti sex stoðsendingar fyrir Leipzig sem var með jafna stöðu eftir fyrri hálfleik, 17:17. Tvö markanna skoraði Viggó frá vítalínunni. Honum var einu sinni vísað af leikvelli.

Arnór Þór var í liði Bergischer en skoraði ekki mark að þessu sinni.

Leipzig er í 10. sæti af 18 liðum deildarinnar með 16 stig eftir 17 leiki eins og Gummersbach. Bergischer er tveimur stigum á eftir í 13. sæti.