Í fyrramálið verður dregið í átta liða úrslit Evrópubikarkeppni kvenna í handknattleik þar sem nafn ÍBV verður í pottinum. Liðum verður ekki styrkleikaraðað að þessu sinni og þar með getur andstæðingur ÍBV alveg eins og orðið H71 frá Færeyjum eins og Galychanka Lviv frá Úkraínu.
Eftir að dregið hefur verið í átta liða úrslit verður dregið til undanúrslita.
Ráðgert er að fyrri leikir átta liða úrslita fari fram helgina 12. og 13. febrúar og þeir síðari viku síðar.
Liðin sjö sem ÍBV getur mætt á morgun eru:
Costa del Sol Malaga (Spáni).
Rocasa Gran Canaria (Spáni).
Visitelche.com Bm Elche (Spáni).
H71 (Færeyjum).
ZRK Bekament Bukovicka Banja (Serbíu).
HC DAC Dunajská Streda (Slóvakíu).
HC Galychanka Lviv (Úkraínu).
Spænska liðið Visitelche.com Bm Elche vann Íslands- og bikarmeistara KA/Þórs naumlega í 32-liða úrslitum keppninnar í nóvember.
