KA/Þór hefur ekki fengið eyri greiddan af þeirri upphæð sem sænska úrvalsdeildarliðið Skara HF samdi um að reiða af hendi fyrir Aldísi Ástu Heimisdóttur þegar hún gekk til liðs við félagið á síðasta sumri. Erlingur Kristjánsson formaður kvennaráðs KA/Þórs segir frá þessu í samtali við Akureyri.net í dag.
Erlingur segir að undirritaður samningur sé fyrir hendi og að reikningar hafi verið sendir til sænska félagsins. Þeir eru ógreiddir. KA/Þór hefur leitað liðsinnis Handknattleikssambands Íslands en það hefur enn sem komið er ekki orðið til þess að liðka fyrir.
„Okkur finnst mjög undarlegt að leikmaður geti spilað áfram með liði sem stendur ekki við samninga sína,“ segir Erlingur í samtali við Akureyri.net en nánar er fjallað þar um málið.
Frétt Akureyri.net: Skara hefur enn ekki greitt fyrir Aldísi
