- Auglýsing -
- Auglýsing -
- Auglýsing -

Skara vann grannaslaginn – ekki tapað leik í 3 mánuði

Jóhanna Margrét Sigurðardóttir og Aldís Ásta Heimisdóttir leikmenn Skara HF. Mynd/Aðsend
- Auglýsing -

Áfram heldur Skara HF að gera það gott í sænsku úrvalsdeildinni í handknattleik kvenna. Liðið vann Skövde í grannaslag á heimavelli í dag, 29:27, í fullri keppnishöll í Skara, 1.100 áhorfendur. Skara er komið upp í sjötta sæti deildarinnar eftir afar gott gengi síðustu vikurnar. Ekki er langt síðan Skara var í níunda sæti.

Aldís Ásta Heimisdóttir skoraði tvo mörk í sigrinum í dag og gaf fimm stoðsendingar. Jóhanna Margrét Sigurðardóttir skoraði eitt mark og átti tvær stoðsendingar.

Skara HF tapaði síðast leik í deildinni gegn Sävehof 8. nóvember á síðasta ári.

Eftir jafn stöðu í hálfleik þá voru liðsmenn Skara öflugri í síðari hálfleik. Skara komst stigi upp fyrir Kristianstad sem tapaði í gær fyrir H65 Höör, 37:23. Berta Rut Harðardóttir skoraði ekki mark fyrir Kristianstad í leiknum.

Arnar og félagar unnu

Arnar Birkir Hálfdánsson skoraði eitt mark þegar Amo vann Önnereds í heimsókn til Gautaborgar í dag, 31:24.

Karlskrona tapaði á heimavelli fyrir nágrönnum sínum í Kristianstad, 37:30. Ólafur Andrés Guðmundsson skoraði eitt mark fyrir Karlskrona en Dagur Sverrir Kristjánsson og Þorgils Jón Svölu Baldursson skoruðu ekki fyrir Karlskrona að þessu sinni. Phil Döhler stóð í marki Karlskrona í um helming leiktímans og varði sex skot, 23%.

Amo og Karlskrona höfðu þar með sætaskipti. Amo fór í 10. sæti með stigin sín 14 en Karlskrona er með 13 stig.

Stöðuna í sænsku úrvalsdeildunum og í fleiri deildum evrópsks handknattleiks er að finna hér.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -