Aðra helgina í röð fengu Sandra Erlingsdóttir og samherjar hennar í EH Aalborg slæman skell í dönsku B-deildinni í handknattleik. Í þetta skiptið á heimavelli þegar lið SönderjyskE kom í heimsókn. Aftur bilaði varnarleikur og markvarsla hjá Álaborgarliðinu sem varð að bíta í það súra epli að tapa með tíu marka mun, 31:21, eftir að hafa verið fjórum mörkum undir í hálfleik, 13:9.
Sandra skoraði þrjú mörk fyrir EH Aalborg, þar af tvö úr vítaköstum. Einnig var henni einu sinni vísað af leikvelli.
Staðan í deildinni:
Hadsten 18(12), EH Alaborg 18(12), Ringköbing 17(10), SönderjyskE 16(12), Ringsted 15(11), Bjerringbro 14(11), DHG 10(10), Roskilde 9(9), Rödovre 7(11), Gudme HK 5(12), AGF 1(10), Lyngby 0(10).
Næsti leikur EH Aalborg verður 7. janúar við Berringbro.
