„Heilt yfir vorum við stórkostlegir í þessari úrslitarimmu og reyndar bara í úrslitakeppninni eins og hún lagði sig,“ sagði Snorri Steinn Guðjónsson, þjálfari Vals við handbolta.is í kvöld eftir að lið hans hafði tryggt sér Íslandsmeistaratitilinn í handknattleik karla eftir að hafa lagt Hauka öðru sinni, 34:29, og samanlagt, 66:58, í leikjunum tveimur.
„Ég skynjaði það þegar kom nærri úrslitakeppninn að það var hugur í mönnum. Ég efaðist aldrei um að við gætum ekki orðið meistarar og sama var upp á teningnum meðal leikmanna. Tímabilið var eins og það var, afar kaflaskipti. Ég vissi hinsvegar að ef ég yrði með alla leikmenn heila þegar kæmi að úrslitakeppninni þá væri okkur allir vegir færir og mjög hættulegir,“ sagði Snorri Steinn sem varð Íslandsmeistari í fyrsta sinn.
„Það er ólýsanlegt að vinna titilinn í fyrsta sinn, er bara hrærður á þessari stundu. Að vinna Íslandsmeistaratitilinn sem þjálfari fyrir mitt lið er nokkuð sem skiptir mig mjög miklu máli,“ sagði Snorri Steinn Guðjónsson, þjálfari Vals, í stuttu samtali við handbolta.is í Schenkerhöllinni í kvöld eftir að Valsmenn tóku við Íslandsbikarnum í handknattleik karla.
- Rúta ÍBV lenti í árekstri – fór betur en áhorfðist
- Döpur byrjun hjá okkur en við þiggjum stigin
- Hefði kannski verið sanngjarnt að fá annað stigið
- Íslendingar í átta liða úrslit sænska bikarsins
- Meistararnir gerðu út um leikinn í síðari hálfleik
