Skuld sænska úrvalsdeildarliðsins Skara HF við KA/Þór vegna vistaskipta Aldísar Ástu Heimisdóttur á síðasta sumri hefur verið greidd. Frá þessu er greint á Akureyri.net í dag. Vika er síðan að fréttavefurinn vakti athygli á að forráðamenn Skara hafi dregið lappirnir við uppgjörið.
Aldís Ásta var félagsbundin KA/Þór þegar hún samdi við Skara HF á síðasta ári en fékk heimild að ákveðnum skilyrðum uppfylltum að ganga til liðs við félagið. Síðan hefur verið í óuppgerður reikningur á milli félaganna legið á borðinu á skrifstofu Skara þangað til að millifærsla barst frá Svíþjóð í vikunni.
Talsmaður Skara HF sagði í samtali við Handbollskanalen um helgina að hugsanlegur misskilningur eða tungumálaörðugleikar hafi kannski komið í veg fyrir að félagið hafi gert hreint fyrir sínum dyrum vegna vistaskiptanna. Hverju sem um var að kenna er málið úr sögunni eftir því sem Akureyri.net segir frá.
Akureyri.net – Svíarnir búnir að gera upp við KA/Þór.
