- Auglýsing -

Slóvenar segja matareitrun á HM vart vera tilviljun

Enn er þjarkað um af hvaða völdum landslið Slóvena veiktist á HM. Mynd/EPA

Handknattleikssamband Slóveníu ber mótshöldurum heimsmeistaramótsins í handknattleik í Egyptalandi og alþjóða handknattleikssambandinu ekki góða söguna. Þeir hafa kvartað yfir því sem þeir segja að geti alls ekki verið tilviljun en tólf leikmenn Slóvena fengu matareitrun, eða a.m.k. svæsna magakveisu síðasta sólarhringinn fyrir leik Egypta og Slóvena í lokaumferð milliriðlakeppninnar í gær.


Nokkrir leikmenn voru svo slæmir að þeir gátu alls ekki tekið þátt í leiknum og Blaz Blagotinsek, varnarmaðurinn öflugi, kastaði upp í upphitun og gekk úr skaftinu. Þeir sem þó náðu að lafa fram að leik voru svefnvana og orkulausir eftir langa vist á náðhúsinu.

Slóvenar neita að trúa hér hafi hrein tilviljun eða óheppni ráðið för og eru ómyrkir í yfirlýsingu á heimasíðu Handknattleikssambands Slóveníu.

Leikur Slóvena og Egypta var upp á sæti í 8-liða úrslitum. Egyptum nægði jafntefli en Slóvenar þurftu á sigri að halda til þess að fylgja sænska landsliðinu eftir í 8-liða úrslit. Jafntefli varð í leiknum og Slóvenar eru þar með á heimleið eins og fleiri landslið. Slóvenar fara hinsvegar með óbragð í munni frá HM.

- Auglýsing -
- Auglýsing -

Nýjustu fréttir

- Auglýsing -