Aðalsteinn Eyjólfsson, þjálfari Kadetten Schaffhausen í Sviss, leikmenn liðsins og starfsmenn eru komnir í tíu daga sóttkví eftir að kórónuveirusmit greindist hjá einum í hópnum að lokinni ferð liðsins til Norður-Makedóníu í síðustu viku þar sem Kadetten lék við Pelister í Evrópudeildinni.
Aðalsteinn staðfesti þetta við handbolta.is í dag.
Þar með hefur þremur leikjum Kadetten, tveimur í Evrópudeildinni, og einum í deildarkeppninni heimafyrir verið frestað um óákveðinn tíma. Til stóð að Kadetten mætti ungverska liðinu Tatabanya í Evrópudeildinni á heimavelli á morgun.
„Það er alveg nýtt hjá á þjálfaraferlinum að skipuleggja æfingar fyrir hóp manna sem verður í einangrun í tíu daga. Við megum ekki fara út fyrir hússins dyr meðan við erum í sóttkví. Ekki einu sinni í gönguferð,“ sagði Aðalsteinn við handbolta.is. Aðalsteinn er svo lánsamur þó að hafa ekki smitast af veirunni.
Viðureign Fivers frá Austurríki og Metalurg Skopje sem fram átti að fara í Evrópudeildinni hefur einnig verið frestað eftir að smit uppgötvaðist innan austurríska liðsins.
