Fram komst í efsta sæti Olísdeildar kvenna í handknattleik í kvöld þegar liðið lagði Íslands- og bikarmeistara KA/Þórs í Framhúsinu, 27:25, í síðasta leik fjórðu umferðar. Framarar hafa þar með sjö stig og er stigi á undan Val sem er með sex stig en á leik til góða. Þar með hafa meistararnir tapað sínum fyrsta leik í deildinni á keppnistímabilinu. Þeir eru í fjórða sæti með fjögur stig þegar þrír leikir eru að baki.
KA/Þórsliðið var þremur mörkum yfir í hálfleik, 14:11. Fram sneri hinsvegar taflinu við í síðari hálfleik. Liðið sýndi margar af sínum bestu hliðum. Fóru þar fremstar Karen Knútsdóttir, Ragnheiður Júlíusdóttir og Hafdís Renötudóttir markvörður. Varnarleikurinn var einnig öflugur en hann hefur löngum verið aðal Framliðsins. Emma Olsson og Hildur Þorgeirsdóttir voru samanlagt með 13 löglegar stöðvanir.
Matea Lonac lék ekki með KA/Þór að þessu sinni. Sunna Guðrún Pétursdóttir tók við stöðu Lonac og varði all vel.
Mörk Fram: Karen Knútsdóttir 9/2, Ragnheiður Júlíusdóttir 8/3, Þórey Rósa Stefánsdóttir 4, Emma Olsson 2, Harpa María Friðgeirsdóttir 2, Stella Sigurðardóttir 1, Perla Ruth Albertsdóttir 1.
Varin skot: Hafdís Renötudóttir 15, 39,5% – Irena Björk Ómarsdóttir 0.
Mörk KA/Þórs: Aldís Ásta Heimisdóttir 6, Martha Hermannsdóttir 6/2, Rut Arnfjörð Jónsdóttir 5/2, Hulda Bryndís Tryggvadóttir 3, Ásdís Guðmundsdóttir 3, Rakel Sara Elvarsdóttir 2.
Varin skot: Sunna Guðrún Pétursson 13, 32,5%.
Stöðuna og næstu leiki í Olísdeild kvenna má sjá hér.
Alla tölfræði leiksins er að finna hjá HBStatz.
