- Auglýsing -
Magnús Orri Axelsson, tvítugur handknattleiksmaður sem er af íslensku bergi brotinn, hefur samið við Viking í Stavangri til næstu þriggja ára. Magnús Orri kemur til Viking frá norska meistaraliðinu Elverum þar sem hann hefur leikið með varaliði félagsins.
Frá þessu er greint á síðu norsku handknattleiksdeildanna, topphandball.no.
Magnús Orri er sonur Axels Stefánssonar fyrrverandi landsliðsþjálfara kvenna í handknattleik og nýráðins þjálfara kvennaliðs Storhamar. Magnús Orri hefur búið ytra með fjölskyldu sinni frá barnæsku. Hann á að baki 14 leiki með U18 ára landsliði Íslands.
- Auglýsing -
