Eftir tap í fyrstu umferð færeysku úrvalsdeildarinnar í handknattleik á dögunum þá sneru leikmenn Neistans, sem Arnar Gunnarsson leikur með, við blaðinu í dag. Þeir sóttu tvö stig í Skálahöllina gegn leikmönnum StÍF sem voru taplausir fyrir viðureignina. Neistin vann með átta marka mun, 35:27, eftir að hafa verið þremur mörkum yfir í hálfleik, 16:13.
Ágúst Ingi Óskarsson skoraði tvö af mörkum Neistans. Felix Már Kjartansson gat ekki leikið með liðinu vegna meiðsla. Bjartur Már Guðmundsson skoraði eitt mark fyrir StÍF sem hafði unnið einn og gert eitt jafntefli þegar Neistamenn komu í heimsókn í dag.
Neistin mætir H71 í næstu umferð á laugardaginn í Höllinni á Hálsi í sannkölluðum Þórshafnarslag.
Bjartur Már og félagar í StÍF sækja Team Klaksvík heim á sunnudaginn.
